Емшекпен бала емізетін әйелдерде сүт безі обырының даму қаупі төмен болады. Мұны көптеген ғылыми зерттеулер мен клиникалық бақылаулар дәлелдейді.
Мамандардың айтуынша, қорғаныш әсері лактация кезеңінде әйел ағзасында болатын физиологиялық өзгерістермен байланысты. Емшекпен емізу кезінде етеккір циклдерінің жалпы саны азаяды, демек, сүт безі тініне эстрогендердің әсері де төмендейді. Артық әрі ұзақ гормондық әсер ісік үдерістерінің даму қауіп факторларының бірі екені белгілі.
Сонымен қатар лактация кезеңінде сүт безі жасушалары табиғи түрде жаңарып отырады, бұл да қосымша қорғаныш механизмі ретінде қарастырылады. Осы кезеңде овуляция жиілігінің төмендеуі аналық без обырының даму қаупін азайтуға да ықпал етуі мүмкін.
Емшекпен емізу баланың денсаулығына ғана емес, ананың ағзасына да оң әсер етіп, босанғаннан кейінгі қалпына келуді жеделдетеді және ұзақ мерзімді бірқатар қауіптердің төмендеуіне ықпал етеді.
Еске саламыз: емшекпен емізу — профилактиканың маңызды факторы, алайда ол тұрақты профилактикалық тексерулер мен скринингтен өтудің қажеттілігін жоққа шығармайды.
