Жаңа өмірмен қатар жүргеніне – 20 жыл: акушер Нина Халилова Халықаралық акушер және медициналық медбике күніне орай
Босану залдарында әдеттегідей күн болмайды. Әр кезекшілік – жаңа өмір, толқу мен зор қуаныш. Осындай сәтте әрдайым қолдау көрсетіп, көмектесіп, сенім сыйлайтын жан қасында болады. Міне, 20 жылдан бері жүздеген әйел үшін сондай жан – акушер Нина Шавалатовна Халилова.
Қазір ол Алматы қаласындағы №2 Қалалық перинаталдық орталықта қызмет атқарып, әйелдерді жүктілік және босану кезеңінде сүйемелдейді.
Өз мамандығын ол саналы түрде таңдаған және 2006 жылдан бері осы кәсібіне адал еңбек етіп келеді. Медициналық колледжді үздік тәмамдаған Нина Халилова тәжірибелі маманнан бастап басшылық қызметтерге дейінгі кәсіби жолдан өтті – әр жылдары босану бөлімінің аға акушері және №1 Қалалық клиникалық аурухананың бас медбикесі қызметтерін атқарды.
Әріптестері Нина Шавалатовнаны кез келген жағдайда сенім артуға болатын маман ретінде сипаттайды. Ол күрделі сәттерде сабыр сақтап, жедел шешім қабылдай біледі және әр пациентке мұқият көңіл бөледі. Оны кәсібилік, жауапкершілік және командамен тиімді жұмыс істей білу ерекшелейді.